It's raining thoughts and words

O tema 11,  « A avaliación na aula de linguas estranxeiras »,  reflexiona sobre o lugar que a avaliación ocupa na docencia e  explora os seus tipos e fins e a aplicación de distintas ferramentas en cada caso, como a  elaboración de rúbricas para actividades específicas. Con este último aspecto empezamos a primeira sesión. Rúbrica para a actividade de mediación A primeira actividade que levamos acabo consistíu en elaborar unha rúbrica para  a actividade de mediación que deseñamos para o tema 3  cos mesmos grupos, tendo en conta os criterios que comentamos, entre os que destaca que as cuestións que avaliamos deben ser observables. Esta foi a nosa:     Esta toma de contacto coas rúbricas permitiunos entrar en acción para aplicar as recomendacións de elaboración nunha actividade deseñada por nós mesmas, de modo que as concretamos e as asimilamos. Na segunda sesión, consideramos as decisións que podemos tomar á hora de avaliar, vimos os tipos de avalia...

O tema 3, «Estratexias de comunicación. A comunicación oral e escrita e o seu tratamento na aula. Procedementos para o fomento das habilidades comunicativas na aprendizaxe de linguas estranxeiras», constitúe unha ollada ao deseño e emprego na aula de actividades de expresión, interacción, mediación e comprensión, tanto orais como escritas.     A  primeira sesión centrouse na mediación, e fomos realizando actividades para manter a atención e ir asimilando os coñecementos. Sobre a mediación atopei este artigo (1) que recolle actividades e estratexias para incorporar a mediación na ensinanza de LE, no marco do enfoque AICLE, non só para mellorar os resultados senón tamén para atender á diversidade da aula. Actividade introdutoria Primeiro fixemos unha actividade de definición de conceptos básicos, en grupos de 4. Despois, comentamos entre todas e coa docente as definicións para perfeccionalas e aclarar os conceptos que servirían de base para o comprender o resto do tema. ...

No tema 1, « Situacións e variábeis de ensino das linguas estranxeiras », co que inauguramos a segunda materia na que se encadra este blog, a de Didáctica da Ensinanza das Linguas Estranxeiras, analizamos as similitudes e diferenzas que existen entre a adquisición da lingua materna e a aprendizaxe dunha lingua estranxeira; coñecemos os tipos de linguas segundo os contextos de uso, e traballamos cos conceptos de comunidade lingüística, comunidade de lingua e repertorio lingüístico. Adquisición da lingua materna vs. aprendizaxe dunha lingua estranxeira: un diagrama de Venn Na primeira sesión traballamos cos contextos de adquisición. Para facer unha construción cooperativa dos coñecementos, levamos a cabo unha actividade baseada no emprego de diagramas de Venn. Para realizala, distribuímonos inicialmente en minigrupos de 3-4 persoas. Eu traballei con Fátima Cristobo Batalla, Noelia García Mouriño e Margaret Rivero Acevedo. Unha vez estes estaban formados, instóusenos en prim...